Ағымдағы жылдың қаңтар-мамыр айларында Қазақстан мен Қытай арасындағы тауар айналымы 10,7 млрд АҚШ долларын құрады, бұл бір жыл бұрынғыдан 21,6%-ға артық, деп хабарлайды ҚазАқпарат Finprom.kz-ке сілтеме жасап.
Тауар айналымының басым бөлігін экспорт құрап, бір жылда 4,1%-ға азайып, 4,9 млрд долларды құрады. Жалпы, ел экспортында Қазақстаннан Қытайға экспорттың үлесі 15,4%-ды құрады. Импорт 56,3%-ға, 5,9 млрд АҚШ долларына дейін өсті. Елдің импорт құрылымындағы Қытайдың үлесі 24,2% құрады. Битумды минералдардан алынған шикі мұнай мен мұнай өнімдері Қазақстаннан Қытайға жасалатын экспорттың негізгі бөлігін құрады: 1,3 млрд доллар, бұл өткен жылмен салыстырғанда 16,4%-ға аз.
Екінші қатарда тазартылған мыс және өңделмеген мыс қорытпалары (676,6 млн. АҚШ доллары, жылына минус 41,9%), үшінші орында – бейорганикалық химия өнімдері (388,3 млн. АҚШ доллары, жылдық өсім – 2,4 есе).
Сонымен қатар, Қазақстан Қытайдан киім-кешек және басқа да трикотаж бұйымдарын импорттауға барынша қызығушылық танытты: 441 млн доллар, бұл бір жыл бұрынғыдан 4,4 есе көп.
Бұдан өзге, Қытайдан телефондар, жеңіл автомобильдер, есептеу машиналары және олардың қондырғылары, сондай-ақ моторлы көліктердің бөлшектері мен керек-жарақтары сатып алынды.
Биылғы жылдың маусым айында Қазақстанда Қытайдың қатысуымен 2,1 мың компания жұмыс істеді, бұл бір жыл бұрынғыдан 37%-ға артық.
Мұндай компаниялар көтерме және бөлшек сауда секторында жұмыс істеуді жөн көрді: 750 кәсіпорын, жылдық өсім — 40,4%.
Ең танымал бес салаға сонымен қатар құрылыс, өндіріс, тау-кен өнеркәсібі, ақпарат және коммуникациялар кірді.
