Қазақстанның кейбір өңірлерінде әлі күнге дейін некеге тұру үшін қалыңдықты ұрлайтыны жасырын емес. Кейде қалыңдықтың тарапы ұзату тойды өткізбеу үшін осы дәстүрді ұстануға келіседі. Алайда, қызды мүлдем бөтен адам күшпен ұрлап кететін кездер де кездеседі.
Салдарынан жыныстық тұтастықты бұзу, қорлау, заңсыз бас бостандығынан айыру, тіпті суицид орын алады.
Мұндай қылмыстарды болдырмау үшін Қазақстанның Қылмыстық кодексіне қыздарды некеге тұру үшін ұрлау туралы жеке бап енгізу жоспарлануда.
Соңғы төрт жылда Қазақстанда қыздарды ұрлау фактісі бойынша екі жүз он төрт қылмыстық іс тіркелді. Бірақ бұл зардап шеккен тарап өтініш берген жағдайлар ғана. Қоғамның қысымымен үнсіз қалған жандар қаншама.
«Некеге тұру мақсатында қыздарды ұрлау бойынша нақты статистикалық деректер жоқ, өйткені Қылмыстық кодексте мұндай құқық бұзушылықтың жеке құрамы жоқ», — делінген ҚР Адам құқықтары жөніндегі уәкілдің баспасөз қызметінің хабарламасында.
Қазір қазақстандық омбудсмен кеңсесі қылмыстық заңнамаға бірқатар түзетулер енгізу мүмкіндігін, атап айтқанда, жекелеген бапты енгізу және жәбірленуші ерікті түрде босатылған жағдайда қылмыстық жауаптылықтан босатуды көздейтін ҚР ҚК-нің жүз жиырма бесінші бабына ескертпені алып тастау мүмкіндігін талқылауда.
Еске сала кетейік, көршілес Өзбекстан, Қырғызстан, Түркменстан елдерінде мұндай заң қарастырылған.
Бас прокуратура бұл ұсынысты қолдап үлгерді.
