Қоғамдық тұрақтылық, экономикалық тұрақтылық қай кезде болады?
Баға тұрақты болған кезде.
Баға қай кезде тұрақты болады?
- Монополистер үкіметке, заңға бағынған кезде.
- Нарықта, тым болмаса, 50% өз өнімің болған кезде.
- Жемқорлар, тым болмаса, 50%-ға азайған кезде.
Заң орындалмайтын және өндірісі жоқ елде, «жемқорлардың жазылмаған жеке заңдары» тыйылмаған елде ешқандай (қоғамдық та, әлеуметтік те, экономикалық та, саяси да) тұрақтылық болмайды!
Бұның басқа формуласы жоқ.
Микроэкономика, макроэкономика формулалары да осы екеуіне тікелей байланысты.
Қазір нарық билеп тұр. Нарық ойнап тұрған соң, адамдар да ойнап тұр. Заңның емес, байлардың дегені болып тұр. Нарықтық экономика тұрақталса, жекеменшік жойылса бәлкім орнына келер. Ал елдің қазынасын бюджетниктер сорып жатыр. Жекеменшіктер ойына келгенін істеп отыр. Екеуінің арасы жер мен көктей. Бюджетниктер 500 000 айлық алса, жекеменшік те 70000 айлық алып жатыр. Тепе-теңдік жоқ. Бәрі қаражат жиып бюджетке ұмтылады, осылай сыбайлас жемқорлыққа халықты өздері итеріп отыр. Бәрі жоғары айлық алғысы келеді. Осылай жемқорлыққа халық өзі ұрынады.
Тұрақсыздық үшін халық емес, билік, үкімет жауапты.
деп жазыпты Сәуле Әбілдаханқызы.
