Елімізде 15 мыңға жуық балабақша тәрбиешісі жетіспейді. Бұл туралы Оқу-ағарту министрлігі Балаларды ерте дамыту институтының директоры Манара Адамова айтты, деп хабарлады Halyq Uni тілшісі.
Бүгінде 15 мыңға жуық тәрбиеші жетіспейді. Жасыратыны жоқ, бірінші себеп – жалақының аздығы. Сондықтан жас мамандар бұл салаға қызықпайды. Екіншіден, тәрбиешілер мектепке дейінгі даярлық тобында біраз тәжірибе жинап, мектепке ауысып кетеді. Онда айлық жоғары»,
деді Манара Адамова ОКҚ-да өткен баспасөз мәслихатында.
Оның айутынша, бүгінде мұғалімдер мен тәрбиешілердің жалақысында айырмашылық айтарлықтай.
Балабақшада ең төменгі екінші санаты бар әрі 5 жылдық тәжірибесі бар педагогтардың орташа айлығы – 164-172 мың теңге, ал тәжірибесі жоқ тәрбиешілер 94-120 мың теңге аралығында жалақы алады,
деді директор.
Айта кетейік, бұған дейін өзге ұлт өкілдері балаларының қазақша білгенін қалайтыны хабарланған еді.
