12 желтоқсанда әскери киімдегі белгісіз ер адам Жамбыл облысындағы Құлан ауылында бірнеше үйге кіріп, тұрғындарды ұрып-соққан. Бұл туралы Polisia.kz хабарлады.
Жергілікті полиция мәліметінше, ер адам кешкі уақытта үй ауласында орналасқан дүкенге кіріп, 45 жастағы азаматшаның бет тұсына соққы келтірген. Содан соң осы көшеде орналасқан тағы екі пәтерге бөлек кіріп, алдынан шыққан 45 және 43 жастағы азаматшаларды ұрып-соққан. Соңғы азаматшаның үйіндегі жолдасы аталған ер адамды ұстап, полиция қызметкерлерін шақыртқан.
Шақырту бойынша шұғыл жеткен полиция қызметкерлерімен 22 жастағы әскери қызметші полиция бөліміне жеткізіліп, тиісті жедел іс-шаралар жүргізілді.
Аталған дерек бойынша Оңтүстік өңірлік әскери тергеу басқармасының Тараз қаласы бойынша департаментімен ҚР ҚК 149-бабы 2-бабымен сотқа дейінгі тергеу амалдары басталды.
