Панфилов аудандық полиция бөліміне 60 жастағы ер адам үйін өртеп жіберген белгісіз біреуге шара қолдануға қатысты арыз жазған. Жәбірленуші 25 миллион теңгеге шығындалғанын айтқан. Бұл туралы Polisia.kz хабарлады.
Полиция қызметкерлері қасақана өрт қойды деген күдікпен 24 жастағы жігітті ұстаған.
Күдіктінің осы үйде тұратын қызбен таныс екені белгілі болды. Қыз оның қоңырауларына жауап бермеген, бұл оның ашуы мен қызғанышын тудырған. Артынша ол үйге жасырын кіріп, оны ішінен өртеп жіберген. Өрт ауыздықталып, көрші үйлер мен тұрғын үйлерге таралуына тосқауыл қойылды,
деп хабарлады полиция.
Аталған факті бойынша Қазақстан Республикасы Қылмыстық кодексінің 202-бабының 2-бөлігі «Қасақана өртеу» бойынша сотқа дейінгі тергеу басталды.
