«Қазгидромет» 2022 жылғы 12-14 қарашаға арналған ауа райы болжамын ұсынды.
Ауа райы болжамына сәйкес, алдағы демалыс күндері және жаңа жұмыс аптасының басында республиканың басым бөлігінде жауын-шашын, республиканың солтүстік жартысы мен шығысында жаңбыр мен қар түріндегі қатты жауын-шашын болады.
Республикада тұман, көктайғақ, бұрқасын және 15-29 м/с болатын екпінді жел күтіледі. Тек республиканың оңтүстік облыстарында 12-13 қарашада жауын-шашынсыз ауа райы сақталады.
Бұдан басқа елде температура фонының күрт өзгеруі күтілмейді.
