Кәмелетке толмаған қыздарды жыныстық қанау мақсатында сатумен айналысқан қылмыстық топ ұзақ уақыт бойы аталмыш қылмыс түрімен айналысып келген.
11 адамнан тұратын қылмыстық топ Шымкент, Тараз және Түркістан қалаларында жұмыс жасаған. Олар тіпті кәмелетке толмаған қыздарды да сатумен айналысқан.
Тергеу барысында жас қыздардың Қазақстанның түрлі қалаларында «ВКонтакте» әлеуметтік желісі мен таныстары арқылы жұмысқа қабылданғаны анықталды. Оларға қолайлы еңбек жағдайы мен жалақысы жоғары жұмыс ұсынылған.
Алдау мен құжаттарды тартып алу жолымен жезөкшелікпен айналысуға мәжбүрлеген, кейіннен қаланың жалдамалы пәтерлерінде, сауналарында және қонақ үйлерінде одан әрі пайдалану үшін сауда және айырбастау жүргізілген, алынған табысты өздері алып отырған. Бағынбаған жағдайда зорлық-зомбылық, бопсалау, ойдан шығарылған айыппұлдар мен есірткі қолдануға мәжбүрлеген,
деді спикер ҚР ІІМ апталық брифингінде.
Жыл басынан бері адам саудасына қатысты 76 қылмыс тіркелген. Бұл қылмыстардың ішінде бесеуі – жезөкшелікпен айналысқаны үшін, тоғызы кәмелетке толмағандарды сатқаны үшін, жетеуі кәмелетке толмағандарды жезөкшелікке тартқаны үшін, 14-і адам саудасы үшін және 41-і жезөкшелік ордасын ұйымдастырғаны үшін ұсталған.
