Ақтауда 8-ші шағын ауданның тұрғыны көршісі жетінші қабаттан үш мысықты тастап жібергенін айтты. Альбина Таированың сөзінше, көршісі бұған дейін де жануарларға қатыгездік көрсеткен, деп хабалайды Azattyq Ruhy Lada.kz-ке сілтеме жасап.
Бәрі кеше түнде болды. Көршілерімнің бірі менің есігімді қағып, жетінші қабаттағы тұрғынның мысықтарды қайтадан далаға лақтырғанын айтты. Бұл осымен үшінші рет қайталанды. Бұрын олар психикалық ауруға шалдыққан інісі кінәлі деп айтатын, бірақ қазір ол ауруханада жатыр. Сондықтан, бұл жерде пәтер иесінің өзі мысықтарды лақтырған. Бұған дейін ол үйдегі мысықтарды тамақтандыратын әжеге «олардың бәрін өлтіремін» деп қорқытты. Кеше ол полиция қызметкерлерімен сөйлескен кезде мысықтарды суға батырып, өлтіріп, бауыздап тастайтынын бірнеше рет айтты.
Полицейлер кеше ер азаматқа алкогольге тест тапсыртқызды. Нәтижелер маскүнемдіктің бар екенін растады, бірақ ол наркологиялық тексеруден бас тартты. Менің ойымша, бұл адам қоғам үшін қауіпті, оның зорлық — зомбылыққа бейімділігі бар,
деді ақтаулық тұрғын.
Қыз полицияға арыз жазды. Ол ер адамды жануарларға қатыгездік жасағаны үшін жазалауды талап етеді.
