Дәл қазір Алматы облысы, Жамбыл ауданындағы Үлкен ауылындағы мектептің акт залында АЭС салу бойынша жария тыңдау өтіп жатыр.
Алғашқы спикер қуанышын жасырмай:
«Наконец-то лед тронулся» деп, Ақорда әлдеқашан АЭС салу туралы шешім қабылдап қойғанынан хабар берді.
Артынша залдағы азаматтар “АЭС керек жоқ, қазақша сөйлеңдер” деген талап қойды. Залда у-шу. Арасында 2-3 спикер Энергетика министрлігі мен ядролық зерттеу институының өкілі сөз сөйлеп үлгерді.
Модератор ауыл тұрғындары сөз сөйлесін деген бастама көтерді. Бір апа шығып:
“АЭС-ты 40 жыл күттік. Қазақстанға керек. Она нам нужна! Я верю в решение Токаева! Ура! Спасибо Токаеву!
деп айғайлап сөз сөйледі.
Артынша АЭС-қа қарсы сөз сөйлеуге спикердің микрофонын өшіріп тастады.
Бір сөзбен айтқанда, авторитаризм құрсауындағы Қазақстанда классикалық стильде “қоғамдық” тыңдау өтіп жатыр.
Ал 2019 жылы осы мәселе бойынша “керек болса, рефрендум өткіземіз” деп мәлімдеген Қ.Тоқаев қазір Вьетнамда қыш құмыра жасап отыр.
“Жаңа Қазақстан” мен “халық үніне құлақ асатын” билік туралы білуіміз керек нәрсенің бәрі – осы.
