АҚШ-тың қорғаныс министрлігі Украинаға берілетін кезекті әскери көмектің тізімін жариялады.
Бұл жолы көмек USAI бағдарламасы аясында беріледі. Украинаға жеткізілетін қару-жарақ Пентоганның қоймаларынан алынбайды, оларды өндіру үшін зауыттарға тапсырыс беріледі.
Мекеме мәлімдемесіне сәйкес, бұл тізімге NASAMS үлгісіндегі төрт зениттік-зымыран кешені, оқ-дәрілер, артиллериялық снарядтар, Switchblade дрондары, порттарды қорғайтын құралдар және басқа да әскери материалдар кіреді.
Ресейдің Украинаға қарсы әскери агрессиясы басталғаннан бері Вашингтон Киевке жалпы 40 млрд долларға жақын әскери көмек көрсетті.
