Белгілі ақын Қалқаман Сарин Мәдениет және ақпарат министрлігінің Архив істері, құжатамманы басқару және кітап ісі Комитетінің «Геральдикалық зерттеулер орталығы» РММ директоры болып тағайындалды.
Қуанышты хабарды ақын Серікзат Дүйсенғазин өзінің әлеуметтік желідегі парақшасында мәлімдеді.
Ағайын, бүгін Қалқаман Сарин досым ҚР Мәдениет және ақпарат министрлігінің құзырындағы Геральдикалық зерттеулер орталығының директоры қызметіне тағайындалды. Абыройлы қызмет болсын деп тілеймін!
деп жазды Дүйсенғазин.
Қалқаман Сарин – елімізге белгілі ақын. Қазақстан жазушылар одағының мүшесі.
Талай телеарнада түрлі бағдарламалардың жүргізушісі болған. Ал кейінгі жылдары «Шалқар» ұлттық радиосының директоры (2018-2019 ж.ж.) қызметін атқарса, сонан соң Өскемен қаласы мәдениет және тілдерді дамыту бөлімі басшысы болды (2019-2023 ж.ж.).