Әлеуметтік желіде қатты соққыға жығылған ер адамның суреті тарап жатыр. Оны сондай күйге үш жасөспірім жеткізгені хабарланды. Олардың жеке басы анықталды.
2006, 2007 және 2008 жылы туған үш жасөспірім 49 жастағы ер адамның сау жерін қалдырмастан ұрып, соққыға жыққан. Күдіктілер 7 наурызға қараған түні Түрген ауылында ер адамның денсаулығына зиян келтіргенін мойындады. Қазір жәбірленуші жансақтау бөлімінде жатыр.
ҚР Қылмыстық кодексінің 106-бабының екінші бөлігі (Денсаулыққа қасақана ауыр зиян келтіру) бойынша тергеу амалдары жүргізілуде. Егер күдіктілер кінәлі деп танылса, 6 жылдан 10 жылға дейін бас бостандығынан айырылуы мүмкін.