Алматы мен Қонаев қалаларының ортасындағы тасжолда жол апаты болып, салдарынан екі адам қаза тапты.
Mercedes-Benz автокөлігін айдаған жүргізуші аса жоғары жылдамдықпен келіп, Ford автокөлігіне соқтығысқан.
Ford автокөлігі жолдың сыртына шығып кетіп, кейін өртке оранған. Ішіндегі жүргізуші мен жолаушы оқиға орнында мерт болды. Mercedes-Benz автокөлігінің жүргізушісіне көмек беріліп жатыр.
Қазір қажет сараптамалар тағайындалып, оқиғаның барлық мән-жайы анықталып жатыр. Аталған факті бойынша Қонаев полиция басқармасы ҚР Қылмыстық кодекстің 345-бабының 4-бөлігі бойынша қылмыстық іс қозғады.
