Түрік инвесторы зауыт құрылысына 9,8 млрд теңге салуды жоспарлап отыр.
Алматы қаласы әкімінің орынбасары Әлішер Әбдіқадыров Түркиядан келген инвестор, İskefe холдингінің атқарушы комитет мүшесі Серташ Ахмет Левентпен кездесті. Тараптар Алматының индустриялық аймағы аумағында зауыт салу мәселесін талқылады.
Түрік инвесторы алдағы уақытта 100-ден астам тұрақты жұмыс орны болатын зауыт құрылысына 9,8 миллиард теңгеге жуық инвестиция салуды жоспарлап отыр.
Кәсіпорынның өндіріс қуаты жылына 7 мың тоннадан астам халал стандарты бар желатин шығаруға мүмкіндік береді. Желатин шикізаты ретінде жергілікті ірі қара терісі пайдаланылады, бұл қазақстанның кемінде 60%-ін қамтиды.
Зауыт 2024 жылы ашылады деп жоспарланып жатыр.