Бұл – өмір шындығы. Көшеде кетіп бара жатқан болашақта қалыңдық болатын кез-келген қыздан сұрасаң, қандай жігітке күйеуге шығуды қалайсың деп, бірінші кезекте – ақылды, бай, көрікті болса екен деп жауап береді.
Болашақ жарым ақылды, мейірімді, жалқау емес, адамгершілігі мол болса екен деген кыздар уақыт өте келе, тағдырдың түрлі бұралаңдарынан өткен кезде ғана түсінеді.
Ендеше миллионер жігітке тұрмысқа шыққысы келетін қыздарға миллионердің әйелінің өмірінен аздаған мысал келтіргім келеді, деп жазды Abdulla_kz ақпараттық парақшасы.
Әрине, ақшасы бар жігіттің барлығы жаман емес екенінде де ескеріңіз. Егер күйеуі бақуатты болса, әйелі содан міндетті түрде таяқ жеп зардап шегеді деген ойдан аулақ болыңыз. Қаншама адам болса – сонша түрлі өмір бар.
Оқырман жігіттің пікірі:
Тең – теңімен, тезек – қабымен.
Сондықтан байлыққа қызыға бермеу керек. Әрине, ақшаң болғаны жақсы. Егер орташа отбасынан шыққан қыз ақшалы жігітке тұрмысқа шықса, құда-құдағилар арасында онша сыйластық болмайды. Түсінікті жағдай.
Ал жігіт байдың қызын алса, сол үйге күшік күйеу болады. Сондықтан әркім өз жағдайымен тең отбасымен құда болса, сонда ғана жақсы болатын сияқты. Сол кезде құда да, құдағи да тыныш.
Ал ақша мен байлық керек болса, оны бірлесіп жасау керек. Бірлесіп жасаған байлықтың берекесі болады. Дайын асқа тік қасық болып, байдың баласына тиемін, байдың қызын алсам деп армандауға өз басым келіспеймін.
Оқырман қыз пікірі:
Егер қарапайым қазақ жігітінің бастық әкесі, алып бара жатқан байлығы, көп ақшасы болмаса да, өз-өзіне сенімді болып, басын тік ұстап, сүміреймей, жігерленсе бәрі болады. Ең бастысы – жігіттің ішкі жан-дүниесі мен өзіне деген сенімділігі. Соған мән беріңдер, қыздар! Егер жігіт өз-өзіне сенімді болса, ақшасы бар ма, жоқ па деген сұрақ тумайды.
Егер қалталы жігіт іздесеңіздер, мінезі жақсы болса, өзі жетістікке жеткен жігітке күйеуге тию керек. Өйткені, туысының ақшасы болса, ерте ме кеш пе бағаламай оның бәрін жоғалтатын болады. Ал өзі еңбек етіп, жетістікке жететін болса, сені міндетті түрде жетістікке жеткізеді. Сен өте бай, бақуатты, бақытты әйел боласың,
деді психолог.
Сіз не дейсіз?