Екі айға созылған Нөкіс оқиғасы бойынша қылмыстық істің соты аяқталды. Бұл туралы Gazeta.uz хабарлады.
Айыпталушы Дәулетмұрат Тәжімұратов 16 жылға бас бостандығынан айырылды. Бұдан бөлек ол 228,8 миллион сум шығын өтеуі қажет.
Қалған айыпталушыларға бас бостандығынан айыру немесе бас бостандығын шектеу жазасы тағайындалды.
Журналист Лолагүл Қаллыханова үш жыл сынақ мерзімімен 8 жылға шартты түрде бас бостандығынан айырылып, Азамат Нұратдинов, Ахмет Сметуллаев және Азамат Тұрдановпен бірге сот залынан босатылды.
Еске салайық, 2022 жылғы 1 шілдеде Қарақалпақстан азаматтары Нөкіс қаласының айналасында, дехқан базарының аумағын митингіге шықты. Олар Конституцияға Қарақалпақстанның Өзбекстаннан шығу құқығы туралы тармақты алып тастайтын түзетулер жобасына қарсылық білдірді. Билік шеруді «заңсыз» деп атады.
Кейін өзбек билігі шерушілердің мемлекеттік органдарды басып алу әрекеті болғанын хабарлады. Қарақалпақстанда ТЖ режимі енгізілді.
Мирзиеев кейін Қарақалпақстанның құқықтық статусы туралы нормалардың өзгеріссіз қалуы үшін Мәжлістің заң шығару палатасына жүгінді.