10 қаңтарда Қарағандыдағы Республика даңғылында орналасқан 16 қабатты үйден өрт шықты. Апат салдарынан үш адам қаза тапты, тұрғындар зардап шекті. Бұл туралы Ekaraganda.kz хабарлады.
Төтенше жағдй департаментіне өрт туралы хабар 10 қаңтар сағат 21:29-да түскен. Апат қызметкерлер күшімен сағат 22:37-де оқшауланды. Дегенмен бұл уақыт аралығында апаттан зардап шеккендер мен қайтыс болғандар бар болып шықты.
Қарағанды облысы ТЖД мәліметінше, газ жарылған №18/2 үйдің пәтерінен қаза тапқан үш адамның – алдын-ала болжам бойынша, екі ер адам мен әйелдің денесі табылған.
Өрт кезінде бір адам пәтер терезесінен құлап кеткен. Қазір ол ауруханада жатыр. Ведомствоның мәліметінше, 1979 жылы туған ер адам кеуде қуысының жабық жарақатын алған, жіліншік сүйектерінің орны ауысып, сынған. Ауруханаға түскен сәтінде науқас мас күйінде болған. Қазір есін жиған, адекватты. Дәрігерлер оған медицина көмегін беріп жатыр.
Оқиға орнына ТЖ қызметкерлерімен қоса облыс ТЖД бастығы Мұрат Қатпанов пен Қарағанды облысының әкімі Ермағанбет Бөлекпаев келді.
Қарағанды облысы ТЖД бастығы Мұрат Катановтың айтуынша, қазіргі уақытта өрттің себебі анықталып жатыр, дәлірек айтсақ, пәтерді тексергеннен кейін белгілі болады. Алдын-ала болжамға сәйкес, шамамен 8-қабатта жарылыс болып, кейін ол өртке ұласқан.
Бұл не болды: газ баллоны немесе басқа газ-ауа қоспасының жарылуы әлі анық емес. Алайда, оқиға болған кезде үй газдандырылмаған.
деді Мұрат Қатпанов.
Қала әкімінің міндетін атқарушы Мейрам Кожухов қазіргі уақытта өрт болған №18/2 үйдің барлық тұрғыны, нақтырақ айтқанда, 126 пәтердің тұрғындары эвакуацияланғанын хабарлады. Барлығы — 110 адам.
Ал қала әкімінің сөзінше, эвуакацияланған тұрғында жағдай реттелгенше қонақүйге, туыстарына, жатақханаларға тұрақтанады.
Тұрғындарға медицина, психология көмегі беріліп жатыр. Ғимараттар тексеріліп жатыр. Қарағандыда көпқабатты үйдегі өртке байланысты қылмыстық іс қозғалды.
Өрт оқиғасынан кейін полицейлер ҚР ҚК-нің 204-бабының 2-бөлігі «Бөтеннің мүлкін абайсызда жою немесе бүлдіру, өртеу, ауыр зардаптарға әкеп соқтыратын немесе қауіптілігі жоғары басқа көздерге абайсыз болу» бабы бойынша қылмыстық іс қозғады,
дейді Қарағанды облысы ПД басқармасы