«ҚазТрансГаз Аймақ» компаниясы зардап шеккен аудан тұрғындарынан апаттық кранды жабуды сұрады.
Астанада апатқа байланысты 236 үй газсыз қалды. Бұл туралы «ҚазТрансГаз Аймақ» компаниясы хабарлады.
Астанада 28 қарашада 18:40-та «Газовик» ЖШС-ның құрылыс техникасы жер қазу жұмыстарын жүргізу кезінде орташа қысымды газ құбырын зақымдаған. Салдарынан «Көктал-1» ауданында газ беру қызметі толығымен тоқтатылды. Зақымданған газ құбыры ГРПШ-14,15,16-ны табиғи газбен қамтамасыз ететін. 236 абонент газсыз отыр. Апаттың салдарын жою жұмыстары аяқталғаннан кейін газ беру қызметі қайта қалпына келтірілетін болады,
делінген компания хабарламасында.