Ауғанстанның солтүстігіндегі Саманған провинциясында болған жарылыс салдарынан 35 адам адам қаза тауып, 30-жуығы түрлі жарақат алды, деп хабарлайды ҚазАқпарат AlJazeera-ға сілтеме жасап.

ToloNews агенттігінің хабарлауынша, оқиға провинцияның әкімшілік орталығы Айбак қаласында орналасқан семинарияда (медреседе) бесін намазы кезінде болған.

Зардап шеккендердің көпшілігі мектеп оқушылары екені нақтыланып отыр.

Hasht e Subh газетінің хабарлауынша, құтқарушылар қаза тапқандардың мәйітін шығаруды және ғимараттан зардап шеккендерді шығаруды жалғастыруда.

Соңғы апталарда бірнеше рет жарылыс болды. Олардың соңғысы қараша айының басында Ауғанстан астанасы Кабулдың батысында болған. Ол кезде мемлекеттік қызметкерлер мінген автобус жарылып, екі адам қаза тауып, алтауы жарақат алған еді. Қазан айында ел астанасындағы ІІМ ғимаратында орналасқан мешітте болған жарылыстан 8 адам қаза тауып, 20 адам жараланған болатын.

Осы айдың басында Кабулдың батысындағы білім беру орталығында ірі лаңкестік шабуыл болып, салдарынан 50-ден астам адам қаза тапты. Олардың басым көпшілігі –студенттер, сондай-ақ 100-ге жуық адам жарақат алды.