Қазақстан көмір экспортына тыйым салуды тағы жарты жылға ұзартуы мүмкін. ҚР ИИДМ индустриялық даму комитеті «Көмір мен лигнитті әкетуді реттеудің кейбір мәселелері туралы» бұйрық дайындады.
Қазақстан аумағынан тас көмірді, тас көмірден алынған брикеттерді, шекем тастарды, қатты отынның ұқсас түрлерін, тозаң түріндегі немесе тозаң түріндегі емес бірақ агломерацияланбаған тас көмірді, гагаттан басқа лигнитті немесе агломерацияланған, агломерацияланбаған қоңыр көмірді автомобиль көлігімен әкетуге 6 ай мерзімге тыйым салу енгізілсін,
делінген бұйрықта.
Құжатқа қосымша берілген түсіндірмеде бұл халықты және коммуналдық-тұрмыстық секторды көмірмен қамтамасыз ету жөніндегі дүрбелеңді болдырмау және елдің энергетикалық қауіпсіздігін сақтау мақсатында енгізілгені жазылған.
Бұйрық 14 наурызға дейін көпшілік талқылауда болады.