Белгілі журналист, «Зейін Атырау» ерекше балаларды оңалту орталығының негізін қалаған Арайлым Бағытжан Антальядағы ірі жол апатына түсіп, өмірден өтті. Бұл туралы Атырау облысы әкімінің орынбасары Жасұлан Бисембиев марқұмның отбасына көңіл айта отырып, Facebook парақшасында хабарлады.
Әріптесімізбен бірге кішкентай сәбиі де о дүниелік болды. Жолдасы қиын жағдайда ауруханада жатыр,
деп жазды Бисембиев.
Белгілі болғандай, қазіргі уақытта Түркиядағы Қазақстан елшілігімен арада келісімдер жүргізіліп, ауруханада ауыр жағдайда жатқан жолдасының тиісті ем алуына жағдай жасалуда.
Жерлестеріміздің сүйегін елге алдыру бойынша жұмыс жүргізілуде.