Елімізде криптовалютаға инвестиция жасауды желеу еткен тағы бір қаржы пирамидасы анықталды.
«MetaGo» деп аталатын жобаны Жезқазған, Алматы және Астана қалаларының 4 тұрғыны ұйымдастырған.
Криптовалютаға инвестиция жасауға уәде берген олар 600-ден астам адамнан 124 миллион теңге алып үлгеріпті.
Қазір қаржы пирамидасын құрды деген күдікке ілінгендер қамауда отыр. Тергеу жүріп жатыр.
Елімізде ең алғашқы қаржы пирамидасы 1994 жылы пайда болған. Содан бері 30 жылға жуық уақыт өтсе де, әлі күнге дейін халықтың жиған-тергенін айламен тартып алатындар азаймай тұр. Биыл Қаржы мониторингі агенттігі жыл басынан бері 22 пирамиданы анықтаған.
