Алматы облысының полиция департаментін енді Бауыржан Әленов басқарады, деп хабарлайды Polisia.kz.
Президент Әкімшілігімен келісе отырып, полиция полковнигі Бауыржан Әленов Алматы облысының полиция департаментінің бастығы болып тағайындалды.
Жаңа басшыны Ішкі істер министрінің бірінші орынбасары Марат Қожаев таныстырды.
Бауыржан Әленов 1976 жылғы 8 қарашада Көкшетау облысында дүниеге келген. Білімі бойынша заңгер, заң ғылымдарының магистрі.
Ішкі істер органдарындағы қызметін 1997 жылғы мамыр айында Көкшетау қаласы Ішкі істер Бас басқармасына қарасты МҚКБ полициясының полиция батальоны болып бастаған. Әртүрлі қызметте істеді.
2013 жылы Ақмола облысы ІІД Көкшетау қалалық ішкі істер басқармасының бастығы болып тағайындалды.
2015-2018 жылдары Ақмола облысы Ішкі істер департаменті бастығының орынбасары болып істеді. Одан кейін Ақмола филиалы басшысының бірінші орынбасары болды. 2019 жылдан қазіргі уақытқа дейін Қазақстан Республикасы Ішкі істер министрлігінің жедел қызметтерінде басшылық қызмет атқарды.
