Аты шулы «Борат» филімінің актері Саша Барон Коэн, Kennedy Сenters Honors марапаттау рәсіміне Канье Уэст пен басқа танымал жұлдыздарды, тіпті Дональд Трампты және АҚШ-тың қазіргі президентінің жұбайы Джилл Байденді мазақ етті. Сондай-ақ зілді әзіліне тағы да Қазақстанды қосты, деп хабарлайды Stan.kz.
Аталған іс-шара 4-желтоқтан күні Вашингтонда, Колумбия округінде өтті. Шараға АҚШ президенті Джон Байден қатысты. Саша Барон Коэн рэпер Канье Уэсттің соңғы антисемиттік, яғни еврейлерге қарсы қысымды қолдаған мәлімдемелерін сынға алды. Канье Уэстке тиісе отырып Қазақстанды зілді әзіліне қосты.
Мен АҚШ-тағы антисемитизмге қатты ренжідім. Бұл — әділ емес қой. Қазақстан — еврейлердің көзін құрту бойынша бірінші орында. Біздің хоббиімізді ұрлауды доғарыңыз. Мүлдем ұрламаңыз,
деп әзілдеді актер.
Сонымен қатар, антисемитизм бойынша Уэст тіпті қазақтардан да басып озғанын айтып өтті.
Сіздердің Каньелеріңіз Қазақстанға көшіп келуге тырысып, өз атын қазақшалады. Бірақ ол тіпті біз (қазақстандықтар) үшін де шектен тыс антисемит,
деді атышулы Борат.
Ол АҚШ-тың бұрынғы президенті Дональд Трампты «қызғылт сары тері» және «семіз қарын» деп мазақ етіп, Байденді Трамппен әдейі шатастырып, сөйледі.
Маған бүгін президенттеріңіз осында деп айтты. Қайдасыз, Трамп мырза? Жағдайыңыз мәз емес сияқты. Қарныңыз тартылып кетіпті. Ал әдемі қызғылт сары теріңіз бозарған сияқты,
деді ол.
