Әлеуметтік желілер мен мессенджерлерде Алматыда «Цефтриаксон»антибиотик инъекциясын алғаннан кейін 18 адам қайтыс болғаны туралы ақпарат таратты. Алайда Stopfake.kz мағлұматты жалған екенін анықтады.
Ақпаратты ҚР Денсаулық сақтау министрлігінде жоққа шығарды.
«Цефтриаксонның» жағымсыз әсері салдарынан көз жұмған пациент туралы карт-хабарламалар (сары карталар) тіркелген жоқ. ҚР ДСМ Медициналық және фармацевтикалық бақылау комитетіне және Алматы қаласы бойынша аумақтық департаментіне мұндай шағымдар түскен жоқ,
деп хабарлады ведомстводан.
«Цефтриаксон» – бұл сепсис, менингит, инфекциялардың түрлері, пневмония және басқа көптеген аурулар кезінде тағайындалатын антибиотик. Бұл препарат Қазақстанда лицензияланған және дәріханаларда сатылады.