Акушерлер мен медбикелер әйелдің жатыры толық ашылып, босануға дайын екенін байқамаған.
Оралдағы перзентханада Әдемі Қайырғалиева босану бөлмесіне бара жатқан кезде, дәлізде жөргекке босанды. Дәрігерлер әйелдің жатырының толық ашылғанын байқамаған. Жаңа туған сәбидің анасы медицина қызметкерлерінің немқұрайлығына ашулы. Бұл туралы Astana.tv хабарлады.
Баламда туа сала гипортемия болды. Бірінші күні мүлдем ембей қойды. Ақуыз деңгейі жоғарылап кетті. 23 қаңтарда бізді балалар ауруханасына ауыстырды. Балама бір апта бойына күніне үш реттен антибиотик, оған қоса көктамырға тағы бір екпе салды. Осындай аз уақыт ішінде кішкентай сәбиімізге осынша ине салғанына қарау — қорқынышты. Негізі олар мені босану бөлмесінде босандыруы керек еді. Құдай сақтап, жөргекте болдым, әйтпесе бала бірден еденге құлайтын еді,
деді жаңа босанған ана.
Облыстық денсаулық сақтау басқармасының мәліметінше, ондағы акушерлерге қатаң сөгіс жарияланды, қалған бес медбикеге ескерту жасалды.
Акушерге — қатаң сөгіс, аға акушерге — ескерту, екі меңгерушіге — ескерту, босандыру жөніндегі орынбасарға — ескерту, аурухананың бас медбикесіне — ескерту жасалды,
деді БҚО денсаулық сақтау басқармасының баспасөз хатшысы Айнагүл Сакпусунова.
