Египеттік, германиялық және австриялық халықаралық археологтар тобы Египеттің орталық аумағынан шамамен 5000 жыл бойы сақталып келген шарап құмыраларын тапты. Бұл туралы елдің туризм және көне заттар министрлігі хабарлады.
Нақтыланғандай, қазба жұмыстары Бірінші әулеттің Мернейт патшайымының қабірінің жанындағы Абидос қаласының Умм Эль-Кааб ауданындағы Сохаг провинциясында жүргізілді. Зерттеу тобы шарап қалдықтары бар жүздеген мөрленген ыдыстарды қазып алған. Артефактілер үлкен өлшемімен және жақсы сақталуымен ерекшеленді. Сондай-ақ жерлеу жиһазы табылған.
Қыркүйекте Египет пен Францияның мамандары Александрия маңында Египет жағалауынан сұлулық пен құнарлық құдайы Афродитаның батып кеткен ғибадатханасын тапқан болатын.
