Қарағанды облысында бірнеше әйел бір адамнан ЖИТС жұқтырғаны анықталды, деп хабарлайды NewTimes.kz.
АИТВ жұқтырған әйелдің аяғы ауыр. Дәрігерлер оны емханаға тіркелу кезінде анықтады. Ол иммуноблот әдісімен АИТВ-ға анализ тапсырды. Бұл вирустарды анықтауға арналған заманауи жоғары сезімтал зертханалық диагностика. Талдау қорытындысы ВИЧ инфекциясын растады.
Емханаға ЖИТС-тің алдын алу және оған қарсы күрес орталығының мамандары, сондай-ақ полиция қызметкерлері келді. Әйелдің күйеуінен басқа ешкіммен қарым-қатынасы болмаған.
Полиция жұбайын ұстады.
Ол бұрын үйленген екен. Полиция оның бірінші әйелін іздестіріп, тест тапсыруға міндеттеді. Ол да ЖИТС жұқтырған болып шықты.
Қазір ер адам ұсталып, тергеу изоляторына қамалды. Іс Қылмыстық Кодекстің 118-бабы бойынша сотқа берілді. «АИТВ жұқтыру, өзінің қауіпті екенін біле тұра, оны басқа адамдарға жұқтыру».
Қазір жүкті әйел қажетті емін қабылдап жатыр. Оның бар үміті балаға еш зияны келмесе дейді.