30 қыркүйектен бастап ресейлік туристер үшін Финляндия қол жетімсіз болады.

Ресейде ішінара мобилизация жарияланған соң орыстар шетелге қаша бастады. Салдарынан қыркүйектің басында Латвия, Литва, Эстония және Польша өз шекараларын жапты. Енді Финлядния да шекараға қоршау салу ең тиімді шешім деп есептейді. Тіпті өзге елге бару үшін де фин шекарасынан өте алмайды. Финляндияға Ресейден тек гуманитарлық себеппен ғана кіруге рұқсат етілмек. Яғни отбасылық себептермен, оқуға, жұмысқа, емделуге, сондай-ақ гуманитарлық себептермен бара алады.

Ресейліктердің туристік визалары жойылады. Фин визасы бар ресейліктер Одақтың басқа елдері арқылы Еуропалық одаққа кіре алмайды,

деп жазады Helsingin Sanomat.

Фин үкіметі Ресейден ағылған азаматтар Финляндияның Шенген кодексіне негізделген халықаралық қарым-қатынасына нұқсан келтіреді деп санайды.

Ресейдегі мобилизациядан кейін көрші елдермен шектесетін шекараларының барлығында елден шыққысы келгендердің ұзын-сонар кептелісі әлі сейілген жоқ.

Ал Қазақстан көрші елмен шекараны жабуға асықпайды. Жаба да алмайды. Оған екі ел арасындағы бірнеше келісім себеп болып отыр. Алайда, орыстардың Қазақстанға келуі әлі де тыйылған жоқ. Билік шекараны жаба алмайды. Тек қажетті шаралар қабылдайтынын, бақылауда екенін айтып халықты сендіріп отыр. Ал өздерін «Қазақ билері» атаған ер азаматтар тобы Президентке шекараны жабуды талап ететін видео үндеу жасаған еді. Одан бөлек саясаткерлер мен шоу-бизнес өкілдері де осылай ойлайды.