Еліміздің мақтанышы футболшыларды қолдау үшін елордаға ұшып шықты.
Қазақстанның кәсіпқой боксшысы Геннадий Головкин футболдан 2024 жылғы Еуропа чемпионатына іріктеу кезеңі аясында өтетін Қазақстан — Солтүстік Ирландия матчын тамашалау үшін Нью-Йорктен Астанаға ұшып шықты, деп хабарлайды ҚазАқпарат.
Жақында үйде боламыз. Ұлттық құрамамызды қолдау үшін 10 қыркүйекте футболда кездесеміз,
деп жазды Г.Головкин Instagram-парақшасында.
Қазақстан мен Солтүстік Ирландия құрамаларының ойыны 10 қыркүйек күні елордадағы «Астана-Арена» стадионында өтеді. Басталуы – сағат 19.00-де.
