28, 29 және 30 тамызда Конституция күнін тойлауға орай Халыққа қызмет көрсету орталықтары мен Арнайы халыққа қызмет көрсету орталықтары жұмыс істемейді. Бұл туралы «Азаматтарға арналған үкімет» мемлекеттік корпорациясы айтты.
Облыс орталықтары мен республикалық маңызы бар қалалардағы кезекші Халыққа қызмет көрсету орталықтары 29 тамызда сағат 9:00-ден 13:00-ге дейін жұмыс істейді.
«Қазпошта» АҚ тарапынан жоспарланған техникалық жұмыстарға байланысты 29 тамызда кезекші халыққа қызмет көрсету орталықтарында кассалар арқылы мемлекеттік баж салығын төлеу мүмкін болмайды. Мемлекеттік қызметтерді банктік қосымшалар мен QR коды арқылы төлеуге болады,
делінген хабарламада,
27 тамыз, сенбі жұмыс күні болады. ХҚКО және арнайы ХҚКО клиенттерді әдеттегі кесте бойынша қабылданады. 31 тамызда ХҚКО мен арнайы ХҚКО жұмысын жалғастырады.
Айта кетейік, ХҚО әдеттегідей дүйсенбіден жұмаға дейін сағат 9:00-ден 18:00-ге дейін жұмыс істейді. Кезекші ХҚО дүйсенбіден жұмаға дейін сағат 9.00-ден 20.00-ге дейін және сенбіде 9.00-ден 13.00-ге дейін жұмыс істейді.