Тұтынушылық несие көбейді. Елде жыл басынан бері тұтынушылық несие көлемі 16,5 пайызға артқан, деп хабарлайды Хабар 24.
Президент биылғы Жолдауында ахуалды түзеу үшін жаңадан жүйелі шаралар қабылдау қажеттігін айтты. Сонымен қатар, халықтың қаржылық сауатын арттыру маңызды.
- Үйдегілердің көлігі, ата-анамыз алып берген. Қарызды олар өздері жауып жатыр. Ал біз телефон – ары кетсе,
- Айналамдағылардың 98 пайызы кредит алады ғой, 750 мыңға iPhon алдым.
- Тоңазытқыш бар, телевизор бар, біздің банктерде процент үлкен амал жоқ аламыз, — дейді халық.
Иә, кредитсіз адамды кездестіру қиын қазір. Ресми дерекке сүйенсек: елде 7 млн 283 адамда несие бар. Бас-аяғы 15 трлн теңге қарызбыз. Соның ішінде тұтынушылық несие жыл ішінде 16 жарым пайызға артып отыр – биыл ол 9 трлн теңгеге жетті.
Мәжіліс депутаты Еркін Әбіл халықтың несиеге әуестеніп кеткеніне алаңдайды.
Көп жағдайда банктік ұйымдар, микроқаржылық ұйымдар қандай мүмкіндік бар екенін айтпайды халыққа. Кредитті өтеудің рестроктуризация жолы, сондай түсінік бермейді. Олардың құзыретіне кірмейді дейді кейбір кезде. Келісімнің ерекшеліктерін көрсетпейді. Осының бәрін халыққа түсіндіру керек, қандай мүмкіндігім бар, қандай құқым бар соның бәрін түсіндіруіміз керек,
ҚР Парламенті Мәжілісінің депутаты Еркін Әбіл.
Елде 1 млн-ға жуық адам несиесінің төлем уақытын үш ай өткізіп алған. Иә, қарыздың күліп келіп, жылап қайтатыны жайында мамандар да ескертіп жатыр. Қалай болғанда да жауапкершілік жүгі өзімізге түседі. Сондықтан несие деп жүріп қолдағы бар несібемізден айырылып қалмайық.
