Ұлыбританияның жаңа королі тәжді 2023 жылғы 6 мамырда киеді. Бұл туралы Euronews жазды.
Жаңа британ королі таққа анасы қайтыс болғаннан кейін отырды. Бірақ III Чарльз хаттамалық ережелердегі аза тұту мерзімі аяқталғаннан кейін ғана тәж киеді.
Букингем сарайының хабарлауынша, тәж кию рәсімі келесі жылдың 6 мамырында Уестминстер аббаттығында өтеді.
Британ корольдігі монета сарайы Король III Чарльздің портреті мен оның монограммасы бар монеталарды шығарып қойды. Дегенмен монарх билік рәміздерін алу үшін күтуіне тура келеді.
