Индонезия билігі жер сілкінісінен қаза тапқандар саны 162-ге жеткенін хабарлады.
Compas.tv арнасының мәлімдеуінше, Индонезияның Чианжур округінің губернаторы Ридван Камил қаза тапқанның көбі — балалар. Жер сілкінісі болған кезде медресе ғимаратында көп бала болған.
Апат салдарынан облыстың 326 тұрғыны ауыр жарақат алып, 13,8 мыңға жуық адам қауіпсіз жерге көшірілді. Жер сілкінісінен 2,3 мыңнан астам үй зардап шекті.
Еске салайық, 21 қарашада Индонезияда жер сілкінісі болып, салдарынан 44 адам қаза тапқаны хабарланған еді. Алайда зардап шеккендердің саны өсіп жатыр.