Қазір әйелдердің өксігін шығаратын жаңа терапия пайда болған, деп хабарлайды Bugin.kz порталы astanatv.kz арнасына сілтеме жасап.
Ондай арт-терапевтердің бірі «клиентін» шегеге тұрғызып шерін тарқатса, енді бірі сәби секілді құндақтап, бесік жырын айтып тербетеді. Керек десең, жатырдың ішіне оралып, ананың алақанын сезе аласың.
Арт-терапевтер сізді дәл осылай орап, бесік жырымен әлдилейді. Керек десең, бөтелкемен сүт береді. Жыласаң жұбатады, анаң секілді құшағына басады. Осы арқылы болмаған балалықты сезінуге болады-мыс.
Мамандар тек балалық шаққа оралтпайды. Керек десең, өлгендермен тілдестіреді. Періштелерді жерге түсіріп, бетпе-бет кездесу ұйымдастырады.
Қандай да бір өткендегі блоктар болса, кедергілер болса, осы өміріңізде соны шешу арқылы өміріңізді жақсы жаққа қарай өзгертіге болады. Даже аурулардың да себептерін анықтауға болады,
дейді терапевт Айдана Сағынғали.
Терапияға, көбінесе, қыз-келіншектер қатысады. Өйткені қазір әйелдерде энергия аз. Бұл қызметке өмірде өз орынын таппай, өзгеге тәуелді болғандар көп жүгінеді,
дейді психологтар.
Мұндай тренингтердің бәрі бірдей адамға пайдасын тигізбейді.
