Бұл туралы марқұмның өнердегі әріптесі, әнші Индира Елемес Instagram-да жазды. Бұл ақпаратты Мәдениет және спорт вице-министрі Нұрғиса Дәуешов растады.
Арман ағау, неге олай? Иманы саламат болсын, мекені жәннат болсын!,
деп жазды әнші желіде.
Әзірге өнер иесінің неден көз жұмғаны хабарланған жоқ. Желі қолданушылары қазаға қайғырып, көңіл айтуда.
Арман Дүйсенов 1974 жылы Батыс Қазақстан облысы Орал қаласында туған. Композитор, тележүргізуші, продюсер. Музыканттың еңбек жолы 1990 жылы Павлодар қаласында өткен ХХІІ республикалық жас орындаушылар байқауында жеңіске жеткеннен кейін басталған.
