Соған байланысты, жалғыз мектеп емес, жол, тұрғын үй құрылысы тежеледі. Бұған дейін, аталған заңға бірқатар түзету енгізіп, Үкіметке жолданған. Алайда тиісті қорытынды мен қолдау болмады.
ҚР Парламенті Мәжілісінің Әлеуметтік-мәдени даму комитетінің Төрағасы, «AMANAT» фракциясының мүшесі Асхат Аймағамбетовтың айтуынша, жаңа құжатта халықты толғандырған өзекті мәселелердің нақты шешімі бар, деп хабарлайды Астана телеарнасы.
Президент, әсіресе әлеуметтік мәселелер бойынша маңызды тапсырмалар жүктеді. Мәселен, Жолдауда бала құқығын қорғау мәселесіне ерекше мән берілді. Бұл – расымен де аса маңызды мәселе. Сондықтан, батыл шешім қабылдап, арнайы заң әзірлеу қажет деп санаймын,
деді халық қалаулысы.
Оның айтуынша, кәмелетке толмағандарға зорлық-зомбылық жасаған тұлғаларға, бүлдіршіндерге жәбір көрсеткен азаматтарға тағайындалатын жазаны қатаңдату қажет. Сондай-ақ, жазғы лагерлерге, балаларға арналған орталықтарға қойылатын талапты күшейту керек.
Президент цифрлық экономиканың хал-ахуалына да арнайы тоқталды. Айталық, «Яндекс такси», «Glovo» сынды платформаларда 500 мыңнан астам азамат жұмыс істейді. Алайда, олардың еңбек құқығы реттелмей, лайықты қорғалмай отыр.
Отандастарымызды алаңдататын тағы бір маңызды мәселе – мемлекеттік сатып алу. Соның кесірінен биыл 80-нен астам мектеп бала қабылдауға дайын болмай отыр.
