Әнші Қазақстан халқы Ассамблеясының таратылуын талап етті.
Түсіпбаева өз ойымен Instagram парақшасында бөлісті.
Мен – Түсіпбаева Меруерт Балғабайқызы, Қазақстан Республикасының азаматы ретінде мемлекет бюджетінен миллиардтар алып, бірақ мемлекеттің не ішкі, не сыртқы саясатына пайдасы жоқ «Қазақстан халқы Ассамблеясы» ұйымының таратылуын талап етемін!
Әншінің айтуынша, ұйым мемлекет бюжджетінен миллиардтар жұмсауға лайықты емес. Халықтың сөзін сөйлеп, мұңын жоқтап отырған жоқ. «Қаңтар оқиғасында біреуінің дауысын естімедім. Келісесіз бе? Келіссеңіз, жазыңыз пікіріңізді», – деп жазба қалдырды Түсіпбаева.
Осыдан екі күн бұрын Адамбайдың петиция жариялағанын жазған едік. Актер мектепте орамал тағуға рұқсат етуін талап етіп отыр.
