Танымал орындаушы Остап Парфенов Алматыда ұлы дүниеге келгенін айтты, деп хабарлайды Press.kz.
«Мужчина должен» және «Просто друг» әндерінің авторы алты айдан бері Алматыда тұрып жатыр. Әртіс Қазақстанға Ресейдегі мобилизациядан кейін келген. Әнші оған оңтүстік астанада өте ұнайтынын және мұнда белгісіз уақытқа қалуды жоспарлап отырғанын айтты.
20 жастағы Остап Парфеновтың артынан жүкті әйелі де ұшып келген. Жақында Остап әке болғанын қуана хабарлады. Парфенов сүйіктісін перзентханадан шығарып алды.
Әнші ұлына Арман деген қазақша есім берген. Әлеуметтік желілерде жанкүйерлер орындаушыны құттықтап, ана мен балаға денсаулық тіледі.
