АҚШ-та тал астында тұрған әйел найзағай түсіп, мерт болды.
Бұл туралы Click Orlando жазды, деп хабарлайды EL.kz.
Флорида штатына қарасты Винтер-Спрингс қаласының тұрғыны Николь Тедеско мектептен екі баласын әкелуге шыққан. Найзағай түскен уақытта ол тал астында тұрған екен. Қасында он жастағы қызы мен иті болған. Әйел оқиға орнында көз жұмса, қызы мен жақын маңда тұрған тағы бір кісі ауруханаға жеткізілген.
Айта кетейік, найзағай — бұлттар не бұлт пен жер арасында болатын ұзындығы бірнеше км, диаметрі ондаған см және ұзақтығы секундтың ондаған үлесіндей болатын алып электрлік ұшқынды разряд.