Бокстан 2008 жылғы Бейжің Олимпиадасының қола жүлдегері Еркебұлан Шынәлиевке жұрт көзінше табысталған пәтер кейін берілмей қалған, деп хабарлайды Qaz365.kz.
2008 жылы Олимпиададан кейін салтанатты табыстау рәсімі өтті. Екі бөлмелі пәтердің кілтін берді. Телеарналарды шақырды. Сол жылы Оңтүстік Қазақстан облысының «Жыл спортшысы» атанған. Бірақ бәрі көзбояушылық болды. Тіпті, үйге дейін апарып көрсеткен. Қазір сантехникалық жұмыстар жүріп жатыр деп айтты. «Нұрсат» мөлтек ауданы сол тұста салынып жатқан. Пәтерің осында болады деді.
Екі-үш айдан кейін пәтердің орнына 1,5 миллион теңге бере салды. Ол тұста бір бөлмелі пәтердің құны 7-8 миллион теңге тұратын,
деді Еркебұлан Шынәлиев
Ащы шындықты спортшы «Уақыт көрсетеді» бағдарламасында айтып салды. Шенеуніктер тақырға отырғызып кеткен ол бірнеше жыл пәтер жалдап тұруға мәжбүр болған екен.