Қостанай облысында саңырауқұлақ теруге шыққандар орманнан жас қыздың денесін тауып алды.
Alau.kz жазуынша, 27 тамызда сағат 17.00 шамасында Архиповка ауылынан 5 шақырым жерде саңырауқұлақ теріп жүргендер жас қыздың денесін тапқан. Алдын ала болжам бойынша ол өз-өзіне қол жұмсаған.
Кездейсоқ көріп қалдық. Сол жерде көлігі де тұр екен. Алдыңғы орындықта балаларға арналған орындық бар,
делінген видеода.
Қазіргі уақытта полиция осы факт бойынша ҚК 105-бабы «Суицидке дейін жеткізу» бойынша сотқа дейінгі тергеуді бастады.
Тергеу әрекеттері жүргізіледі, сараптама тағайындалады.