Ресей Федерациясының Президенті Владимир Путин соғыстан қашып, тау басып, ел асқандарды он жыл түрмеге тоғыту туралы заңға қол қойды.
Заңда әскери қызметтің бірқатар бағыттары бойынша түзетулер енгізілген.
Оның ішінде әскери борышына адалдық танытпағандарды, тұтқындарды босатқандарды 10 жыл, әскери қызметте жүріп тонаушылықпен айналысқандарды 15 жыл бас бостандығынан айыру сынды тармақтар бар.
Еске салайық, 21 қыркүйектен бастап Ресейде ішінара мобилизация жарияланған еді. Кейін халық жаппай наразылық танытып, шеруге шықты. Ресейдің 38 қаласында өткен ереуілдердің нәтижесінде 1500-ге жуық адам тұтқындалды. Соғысқа жол жоқ деген халық елінен безе бастады. Осы күндер арасында Қазақстанға келгендер саны күрт артты.