2020 жылдың ақпан айында бір рет блогерді өлтіруге әрекет жасалған еді.
Швецияда Шешен Республикасының басшысы Рамзан Кадыровты сынаған блогер Тумсо Абдурахманов өлі табылды. Оны белгісіз адамдар автоматпен атып кеткен.
Блогер бірнеше жылдан бері әлеуметтік желіде Шешен Республикасы басшысының саясатын сынап, оны адамдардың өліміне тікелей тапсырыс беруші деп айыптап келген болатын.
2020 жылдың ақпан айында бір рет Тумсоны өлтіруге әрекет жасалған еді. Бірақ ол сол кезде ажалдан аман қалды. Бұл жолы ол ажалдан құтыла алмады.
«Азаттық радиосының» хабарлауынша, 1 желтоқсаннан 2 желтоқсанға қараған түні блогерді белгісіз адамдар автоматпен атып кеткен. Оның інісі Мұхаммед Абдурахмановты Швецияның арнайы органдары құтқарып, өздерімен бірге жасырып әкеткен.
