Ұлттық қауіпсіздік комитеті Ресей мен Қазақстан шекарасындағы автокөліктердің артқанына пікір білдірді.
Бүгінгі таңда Қазақстан-Ресей шекарасында Қазақстан Республикасына кіріп жатқан шетел азаматтарының саны артқан.
Орнатылған 30 автомобильдік өткізу пункті штаттық режимде жұмыс істеп жатыр. Адамдар мен көлік құралдары ағынының ұлғаюына байланысты төрт бекетте кептеліс байқалды. Ахуал ерекше бақылауда,
деп хабарлады Ұлттық қауіпсіздік комитетінің баспасөз қызметі.
Кеден қызметі Ресей шекара ведомствосымен өзара бірлескен іс-қимыл ұйымдастырған.
Ұлттық қауіпсіздік комитетінің Шекара қызметі өзінің іс-әрекетінде халықаралық шарттарды және ҚР ішкі заңнама нормаларын басшылыққа алатынын айтып өтті.