Қымбат яхта, жеке ұшақ пен элиталы үй. Ұлттық экономика министрлігі өкілдері «сән-салтанат салығы» қалай және кімдерге енгізілетінін айтып берді.
Аталмыш салық түрі орта тап өкілдеріне қатысы болмайды. «Байлық салығы» бағалы яхтасы, жеке ұшағы бар адамдарға салынады. Әрі бір емес бірнеше элиталы жылжымайтын мүлігі бар, көлігінің құны 100 мың доллардан асатындар еселенген салық төлейді.
Еске сала кетейік, 1 қыркүйек күні Президент халыққа Жолдау жариялады. Тоқаев салық реформасы аясында «сән-салтанатқа салық» енгізуді тапсырды. Сондай-ақ мұның орта тапқа қатысы жоқ екендігін баса айтты.
Дегенмен жаңа бастама әлі де талқыланатын көрінеді. Әсіресе бизнес қауымдастығы мен жауапты мемлекеттік органдардың пікірі аса маңызды болып отыр.