Сауд Арабиясының солтүстік-батысындағы Табук ауданын қар басты, деп жазды SPA.
Қар басқан аймақтар әр өңірден қар мен қысқы табиғаттың сұлулығын тамашалауға келген Табук тұрғындары мен қонақтар үшін туристік орынға айналды.
Левз тауларының аумағы ауа райы суық болғандықтан, «ақ» түске енді. Мұнда «қар қуанышын» сезіну үшін елдің түкпір-түкпірінен ел ағылып келіп жатыр.
Сауд Арабиясының солтүстік аймағында, әсіресе Левз тауларында және оған жақын аудандарда қар түсуіне бірнеше фактор әсер етті: біріншісі — полярлық ойпаттың тереңдігі мен қозғалысы және ылғал, екінші фактор – қату сызығының төмен болуы.
