Мен Ақтөбенің епискобы Игнатқа осы Пасхада Евангелиені қазақша оқуға ұсыныс айттым. Ол мақұлдап, батасын берді.
Иә, мен шіркеулерде бұлан әрі қарай да қазақ тілінде рәсім жасалғанын қалаймын. Бізге құлшылық жасап келетін ұлты қазақ азаматтар мен ұлты қазақ шіркеу қызметкерлері бар. Меніңше, Қазақстандағы орыстар да қазақ тілін білуі керек. Біздің христиандардың басым көпшілігі орыс тілді. Десе де христиан дініндегі қазақ азаматтар көп шоғырланған аймақтарда діни рәсімді қазақша жүргізу процесін бастап кету керек,
дейді иеромонах Иаков Воронцов.
Иаков Воронцов осыған дейін де Қазақстан орыстарына қазақ тілін үйрену керек деп жүрген кісі. Ол әлеуметтік желідегі жазбаларын қазақша жазып жүр. Ол Украина соғысына қарсы. Соғысты айыптаушы позициядағы адам.
