23 қазан мен 13 қараша аралығында Словения президентін сайлау өтті.

Наташа Пирц-Мусар Словениядағы президент сайлауының екінші турында жеңіске жетті.

Пирц Мусарға сайлауға барғандардың 54%-ы, ал оның қарсыласы, СІМ-нің бұрынғы басшысы Анже Логара 46%-ы берген. Сайлауға дауыс беру құқығы бар жұрттың 44,08%-ы қатысқан.

Жаңа президент ендігі қызметіне 23 желтоқсанда кіріспек.

54 жастағы Пирц Мусар – Словенияның бірінші әйел президенті. Ол елдің басқару формасы – парламенттік мемлекет, яғни биліктің басым бөлігі депутаттардың қолында.

Словенияның жаңа басшысы бұрын журналист, БАҚ еркіндігі саласындағы омбудсмен болған. Адвокат болғанда көбінде жеке өмір қауіпсіздігі мен ақпаратқа емін-еркін қол жеткізу істерін қараған.

Пирц-Мусарды Словения премьер-министрі Роберт Голоб құттықтады. Ол бұл жеңісті азаматтардың «демократияның негізгі элементтері құрметтелетін» елде өмір сүргісі келетіндігінің дәлелі деп атады.